АУТОИНСТРУМЕНТ, Акредитираната Лаборторија за калибрација на димензионални и механички големини, време и оптички зрачења е дел од компанијата АУТОИНСТРУМЕНТ. Лабораторијата од 1997 година врши калибрации на мерна опрема. Повеќе од 10 години беше Овластена Метролошка Лабораторија на Бирото за Метрологија на Република Македонија за поправка, преглед, контрола и баждарење на мерна опрема.

Следејќи ги препораките на Европската комисија за областа Метрологија (Regulation (EC) No. 764/2008) и спроведената кај нас регулаторната реформа, со која се транспонираа Европските хармонизирани стандарди од оваа област, АУТОИНСТРУМЕНТ во 2008 година својата Овластена Метролошка Лабораторија ја акредитира кај националното тело за акредитација -  Институтот за Акредитација на Република Македонија, согласно стандардот МКС EN ISO/IEC 17025 и стана прва приватна Лабораторија за калибрација во Македонија.

Институтот за Акредитација на Република Македонија е полноправна членка во Европската организација за акредитација (European co-operation for Accreditation) од 21 ноември 2007 година, а од 1 декември 2008 година е членка на International Laboratory Accreditation Cooperation (ILAC).

Преку редовните надзорни посети кои се вршат секоја година од страна на Институтот за Акредитација на Република Македонија и меѓулабораториските спордби, Лабораторијата на АУТОИНСТРУМЕНТ редовно ја потврдува својата техничка компетентност, доверливост и непристрасност која е во согласност со европските стандарди и процедури за калибрација на мерила.

Калибрационата опрема која ја поседува лабораторијата е со висока класа на точност и редовно се калибрира во Националните метролошки институти и лаборатории во европските земји како што се: Германија, Австрија, Словенија, Унгарија...

Нашите сертификати го содржат знакот за акредитација на лабораторија за калибрација на Институтот за Акредитација на Република Македонија, со што нашите сертификати се важечки за сите земји членки на Европската организација за акредитација (ЕА).